Мухтар ШАХАНОВ

Сонда бүгінгі күні тіл мәселесінде кім бізге қарсылық жасап отыр? - Мен космополиттерді екіге бөлдім. Бірінші топ - өздерінің бұрыс жолда екендігін түсінеді. Негізгі өзінің ұлттық арнасына бұрылуға тиіс екендігін біліп, талпынып, ниеттенеді. Яғни, бұл топта ең бастысы ниет бар. Егер билік тарапынан оң көзқарас болса, бері бұрылғалы тұр. Екінші бір топ – ішіне қан қатқан топ. Оларда бұрылмақ ниет түгілі, мүмкіндігінше қазақ тілі жойылып кетсе екен, «барлығымыз тек орысша сөйлей берсек екен», деген көзқараста. Әңгімеге орай, бір мысал келтіре кетейін. Егеуқұйрықтарды егеуқұйрықтардың өздері арқылы жоятын тәсіл бар. Ол бойынша бір бөшкеге он егеуқұйрықтан салып, осындай он бөшкені қатар қояды. Сосын бірнеше күн аш ұстағандықтан әлгі егеуқұйрықтар ақырындап бір-бірін жей бастайды. Яғни, күштілері әлсіздерді тамақ қылады. Ақырында әлгі он бөшкенің әрқайсысында мықты деген тек бір-бір егеуқұйрықтан ғана қалады. Сол он бөшкеден шыққан он егеуқұйрықты бостандыққа қоя бергенде, олар бұрынғы жеп келген тамақтарының барлығын ұмытып, тек қана өзінің қандастарына шабуыл жасайды екен. Осылайша, бір егеуқұйрықтың өзі жүздеп-екі жүздеп егеуқұйрықтарды жойып жібереді. Ал тура осындай үрдіс бізде де қолданылды. - Қалай қолданылды? - Бұл кезінде қолданылып еді, әлі де қолданылып келеді. Мәселен, өз ұлтының тіліне, рухани байлығына терең тамыр жіберген адамның үстіне бастық етіп, ана тілінде екі ауыз сөздің басын қосып сөйлей алмайтын, құлағың қайсы десең тісін көрсететін адамды бастық етіп қою үрдісі баяғыдан бері әлі жалғасып келеді. Бұл әлгі адамды рухани істен шығару, рухани өлтіру, терең тамырлы адамды құрту деген сөз. Қазір басқа ұлт өкілдері мемлекеттік мәртебе иеленген қазақ тіліне ашық қарсы бой көрсетуден сескенеді. «Іштен шыққан жау жаман» демекші енді көресіні өз шала қазақтарымыздан көреміз. Олар ағылшын, француз, қажет десеңіз қытай тілін үйренуге бар, бірақ өз ана тілін меңгеруге қадам жасауға құлықсыз. Биліктің қазіргі тіл саясаты әдеттегідей ойын екенін олар жақсы біледі. Сондықтан да салада әлі үлкен проблемалар жатыр. Бұған белгілі бір заң қуаты болмай, бұлардың бетін бері қарата алмайтындығымыз тағы рас. Қарағандары болса, құшақ ашық. Бұл бүгінгі қазақ қоғамының алдында тұрған ең үлкен қасірет, әрі ең зор міндет.

Я сам тут 100 лет не был, если бы не контакт, то и не вспомнил бы.

А вообще очень интересно почитать некоторые посты, приятно удивлен, а тема про ник нэймы, так вообще классная.

Лан, рад был всех увидеть :-)